Pa dyshim fasulet mbeten ndër gjellët më të preferuara të shqiptarëve.
Ju sugjerojmë më poshtë recetën e përgatitjes së fasuleve pllaqi në furrë, një mënyrë fantastike për t’i shijuar me familjen në këto ditë me shi!
Përbërësit:
▪︎500 gr fasule të mëdha
▪︎2 qepë të thata
▪︎spinaq
▪︎djathë të bardhë
▪︎majdanoz
▪︎vaj ulliri
▪︎1 thelb hudhër
▪︎piper i kuq
▪︎fara speci djegës
Përgatitja:
Në fillim kemi zier fasulet duke i shtuar një qepë të ndarë në katërsh. I lëmë të ziejnë plotësisht. Më pas kemi shtuar në tigan vaj ulliri, qepën dhe e skuqim lehtë, hudhrën, spinaqin, majdanozin dhe erëzat.
Vendosim në tavë fasulet dhe spinaqin që përgatitëm, copa djathi dhe spërkasim me piper të kuq dhe të zi, vaj ulliri dhe e lëmë të piqet në furrë sa të trashet lëngu mirë.