Ernest Muçi është pranë hapit tjetër të madh në karrierën. Ish lojtari i Tiranës po shkëlqen me skuadrën e Legias dhe në këtë mënyrë ka rënë në sytë e të huajve. Së fundmi, Endi Tufa ka bërë me dije se Celta Vigo dëshiron në skuadër lojtarin shqiptar.
Palët janë në negociata dhe me gjasë, në sezonin e ri, Muçi do të jetë pjesë e La Liga-s, aty ku do të gjejë një tjetër shqiptar si Myrto Uzuni. Megjithatë duhet pritur deri në fund të këtij sesioni merkato vere.
Sipas gazetarit sportiv, negociatat janë në rrugën e mbarë dhe gjithçka do të finalizohet me sukses. Pritet të shihet se si do të jetë performanca e 21-vjeçarit që në Shqipëri dhuroi spektakël me skuadrën e Tiranës.