Erbim Fagu ka folur në News24 rreth sezonit të Tiranës, rikthimit të Shkëmbit si dhe shumë gjërave që kanë të bëjnë me bardheblutë.
Kujtojmë, që ish-futbollisti ka luajtur dikur me kryeqytetasit dhe i njeh mjaft mirë. madje, Fagu ka drejtuar ekipin jo vetëm më larg se sezonin e kaluar. Ai beson se strategjia e drejtuesve qe e gabuar për të hequr direkt dorë nga trajneri korçar. Kjo u pasqyrua me “rokadën” e papritur tani gjërat nuk janë aspak komode për ekipin e Superiores.
“Uroj që mos të bjerë nga kategoria, pasi nuk ia uroj kurrë Tiranës që të luajë një kategori më poshtë. Shpresoj që me Shkëmbin të lëvizin disa gjëra.
Dinamo më e avantazhuar se Partizani. Po të shikosh stolin e dinamovitëve, ka emra që mund t’i fusësh në formacion. Partizani është dobësuar goxha me ikjen e disa lojtarëve.
Kjo nuk është normale aspak, të paktën nga ana profesionale. Shkëmbi nuk duhej hequr, pavarësisht rezultateve që nuk ishin të duhura. Ai e njihte skuadrën.
Tirana u mundua të krijojë një ekip me lojtarë të ri dhe të etur, por jo çdokush mund të luajë me Tiranën. Tirana ka patur përherë futbollistë me peshë”, u shpreh Erbim Fagu.
LEXO ME SHUME:“Ringrihemi me Shkëmbin”, Agim Ibraimi premton një skuadër ndryshe: Tirana do të ngjitet shpejt në klasifikim
Agim Ibraimi beson se Tirana do të tregojë “kthetrat” dhe do të ringrejë kokën. Në një moment të vështirë, me vendin e nëntë dhe 18 pikë, bardheblutë kthyen Bledi Shkëmbin në pankinë, me qëllimin ringjalljen e ekipit.