Trajneri Enkelejd Dobi, bëri debutimin e tij në stolin e Teutës, me barazim pa gola ndaj Partizanit në transfertë. Në prononcimin e dhënë pas ndeshjes për emisionin “Super Gol”, Dobi ndër të tjera u shpreh:
“Nuk mund të shikojmë Teutën që presim në 1 muaj e gjysëm. Jemi në linjën e duhur. Nuk jemi të kënaqur, por ishim me personalitet. Nuk mund të shikosh një shtëpi që është akoma në themele. Do kohën e vetë. Unë jam krenar, koncepti i lojës në disa momente ishte i qartë. Nuk e lamë Partizanin të në dominonte. Duhet të kishim më shumë maturi. Situatat e rrezikshme nuk ishin të shumta. Pas tranzicionit mund të kërkonim diçka më shumë, sidomos në pjesën e dytë. Ekipi po funskiononte mirë, stafi nuk e pa të nevojshme të bënte zëvendësime.
Nuk kam lidhje me Martinin, me gjithë respektin për presorin, është koncepti jonë presingu lartë. Do rregullsi, disiplinë, zbatim të detyrave struktura. Nuk ka lidhje me Teutën e mëparshëm. Luajtëm me sistem tjetër. Do të gjejmë gjithmonë balanc dhe ekuilibër që të përshtatemi me kundërshtarët dhe veten tonë.
Nuk do t’i tregojmë të gjithë sekretet në ndeshjen e parë. Do të shikoni një Teutë agresive, me personalitet, që do të luajë futboll, me stil dhe koncept.
Themelet i kemi hedhur, do presim njëckë. Objektivi është ndeshja e radhës. Jemi më këmbë në tokë, jemi të vetëdijshëm për situatën. Po ndërtojmë një ekip prestigjioz për atë që paraqitet në fushë dhe jashtë saj. Një klub që do të gjejë vend në futbollin shqiptar dhe në Kupat e Europës, pse jo”, u shpreh Enkelejd Dobi.