Agjencia Evropiane e Barnave deklaroi se aktualisht nuk ka prova që lidhin vaksinën AstraZeneca COVID-19 me vdekjen e një infermiereje në Austri dhe bllokimin pulmonar të një 35-vjeçari, të cilët kishin marrë vaksinën.
Autoritetet shëndetësore austriake pezulluan përdorimin e një grumbulli vaksine AstraZeneca të dielën pasi një grua 49-vjeçare vdiq si rezultat i trombozave të shumta, formimi i mpiksjes së gjakut brenda enëve të gjakut, 10 ditë pasi u injektua vaksina.
Një 35-vjeçar gjithashtu u shtrua në spital për një bllokim pulmonar pasi mori të njëjtën vaksinë.
Po kështu edhe Estonia, Lituania, Luksemburgu, Letonia pezulluan përdorimin e tyre .
EMA tha në një deklaratë të mërkurën se një hetim paraprak tregoi se “aktualisht nuk ka indikacione se vaksinimi i ka shkaktuar këto kushte, të cilat nuk renditen si efekte anësore të kësaj vaksine”.
Sipas rregullatorit, ngarkesa përmbante 1 milion doza të cilat u shpërndanë në 17 vende të BE-së përfshirë Austrinë, Bullgarinë, Qipron, Danimarkën, Estoninë, Francën, Greqinë, Islandën, Irlandën, Letoninë, Lituaninë, Luksemburgun, Maltën, Hollandën, Poloninë, Spanja, Suedia.“Megjithëse një defekt i cilësisë konsiderohet i pamundur në këtë fazë, po hetohet cilësia e serisë” deklaroi EMA.