Në ditën e fundit të ekspozitës së tij personale ‘Presioni i Lirisë’ në sallonin e kryeministrisë Ilir Paço u rikthye në emisionin “Artkand” me Jetona Koçibellin, ku ai ka bërë debutin e parë si artist me dy vepra.
Arti i tij është i gjithi në format A4, vizatime dhe skica të bëra mbi fletat e kokave të lajmeve përgjatë kohës kur ai informon publikun për ngjarjet e ditës.
I pyetur nga i ftuari i përhershëm i programit Ardian Isufi nëse ai i ka bërë një sfidë kryeministrit duke sjelle artin e tij në këtë formë, ai u përgjigj: ‘Unë jam më transparent. Sepse unë i le kokat e lajmeve të lexohen qartë. Ndërsa kryeministri i mbulon dhe duhet të vështirësohesh pak të lexosh vendimet.’
Përgjatë 30 minutshit të moderimit, ai ka mjaftueshëm kohë të pikturojë skica mbi kokat e lajmeve, duke krijuar kështu ditaret e tij artistike.
Një arratisje nga realiteti e kanë parë këtë miq dhe kolegë të tij, përkrah formimit artistik si një ish-nxënës i Liceut Artistik Jordan Misja. Vizatimet e tij në dukje ilustrative, kryesisht me stilolapsin e lajmeve, mbartin një filozofi dhe humor të zi, që shumëkush mund ta kuptojë.
