Xhevahir Kapllani nuk do të jëtë më trajner i Erzenit. Ashtu siç u lajmërua mbrëmjen e së enjtes klubi shijakas ka bërë me dije mbylljen e bashkëpunimit mes palëve.
Në tetë ndeshjet e fundit, ekipi shijakas ka regjistruar 5 humbje dhe 3 barazime e tashmë është vetëm 3 pikë larg zonës së ftohtë ku momentalisht ndodhet Bylisi që në ndeshjen e fundit në Durrës triumfoi pikërisht ndaj skuadrës shijakase.
Burime për Klikoje Sport konfirmojnë se klubi është në bisedime me trajnerin turk Volkan Demirel. Ish-portieri i Fenerbahces dhe përfaqësueses së Turqisë ishte prezent në “Niko Dovana” për të ndjekur nga afër ekipin e Erzenit. Drejtori sportiv Ervis Xhafa ka nisur bisedimet me 41-vjeçarin për të bindur turkun të drejtojë Erzenin në këto tri ndeshje dhe në sezonin e ardhshëm.
Vetëm disa muaj më parë Volkan Demirel ishte trajner i Hatayaspor, por u largua për shkak të tërmetit famëkeq që preku atë qytet me klubin që vendosi të mos luante më pjesën e mbetur të kampionatit.