Egnatia vazhdon marshimin e saj drejt titullit, duke regjistruar një tjetër fitore në Kategorinë Superiore. Kampionët në fuqi mposhtën Elbasanin në një ndeshje dramatike, e cila u vendos në minutat shtesë. Regi Lushkja hapi serinë e golave në pjesën e parë, ndërsa Leo Melo vulosi suksesin me një finalizim të saktë në minutën e 91-të. Për verdheblutë, i vetmi që la shenjë ishte Tsague, i cili shkurtoi diferencën në fund, por pa mundur të ndryshojë fatin e sfidës.
Takimi nisi me një ritëm të lartë, me të dyja skuadrat që tentuan të marrin kontrollin e lojës. Elbasani u tregua më kërkues në minutat e para, duke rrezikuar portën e Egnatias me një goditje të rrezikshme nga Ibrahim, por pa sukses. Në minutën e 19-të, verdheblutë fituan një penallti pas një prekjeje të topit me dorë nga Dylis. Tsague mori përsipër ekzekutimin, por portieri Dajsinani u shndërrua në hero duke ndalur gjuajtjen dhe duke mbajtur portën të paprekur.
Mesfushori i Egnatias, Regi Lushkja realizoi golin e parë të sfidës dhe deri në minutën e 90-të ishte ai që po bëntë heroin për rrogozhinasit.
“Sigurisht çdo sezon unë kam objektivat e mia personale. Jam shumë i lumtur që kam shënuar 10 gola dhe që kemi një ecuri të mirë me ekipin. Në aspektin personal nuk e kam përjetuar një lloj ecurie në karrierën time, është një privilegj dhe një gjë shumë e mirë për mua.
Trajneri më ka dhënë një rol të ri numër 10-sh, edhe te Laçi kam bërë të njëjtën gjë që të qëndroj pas sulmuese të përfitoj nga topat e mbetur, ndërsa te Tirana kam bërë më shumë një rol 8-shi.
Këpuca e Artë? Le të shohim“, deklaroi Lushkja për RTSH Sport.
LEXO ME SHUME:E FUNDIT/ Humbja ndaj Vllaznisë rezulton fatale, Nevil Dede jep dorëheqjen si trajner i Bylisit: Është koha për një ndryshim figure…
1 comment
Comments are closed
Add Comment