Egnatia është fituese e kampionatit në sezonin 2023-2024. Ekipi rrogozhinas fiton 1-0. Një ndeshje me ritëm e raste nga të dyja skuadrat. Gjithçka do të niste në minutën e 8′ me Ibrahimoglu i cili gjuan drejt portës por çon sferën jashtë ngjitur me shtyllën. Në krahun tjetër, Mba në mintuën e 15′ shfaqet në sulm në të djathtën, gjuajtja e tij kalon pasqyrën e portës pa u devijuar nga askush dhe shkon në anësore në krahun tjetër.
Në minutën e 35′ Egnatia do të kalonte në avatazh. Pas një aksioni nga e djathta të Spahiut, harkimi i tij gjen Ibrahimoglu i cili shmang një mbrojtës dhe gjuan duke kaluar rrogozhinasit në avantazh. Në pjesën e dytë, Egnatia u mundua të mbrohej me forca të shumta. Rasti më ideal për të barazuar shifrat ishte minuta e 68’. Taipi del para Sherrit dhe gjuan por portieri e devijon sferën mbi traversë, një rast që nërvozoi Orges Shehin.
Në minutën e 81’, aksion spektakolar i Egnatias pas një goditje këndi, Spahiu provon me kokë por Qirko devijon duke çuar sferën në shtyllë e shpëtuar skuadrën e tij. Egnatia shkruan emrin me gërma të arta në futbollin shqiptar.