Egnatia do të luajë një nga ndeshjet më të rëndësishme në Conference Leagaue. Në orën 21:00, rrogozhinasit do të presin në “Egnatia Arena” Olimpija Ljubjana.
Takim që është i vlefshëm për raundin e 3-të, me duelin e parë mes tyre që ka përfunduar 0-0. Për këtë përballje UEFA ka caktuar edhe arbitrat që do të vendosin drejtësi.
Kështu kryesor do të jetë një zvicerian. Bëhet fjalë për Urs Schnyder, i cili do të ndihmohet nga Marco Zurcher dhe Benjamin Zurcher. Arbitër i 4-t do të jetë Sven Wolfersberger, teksa VAR-i i besohet Lionel Tschudi dhe në AVAR është vendosur Johannes von Mandach.
NDESHJA OLIMPIJA-EGNATIA 0-0
Egnatia barazoi 0-0 kundër Olimpija Ljubljana në udhëtim, për aktin e parë të turit të tretë të Conference League. Kampionët e Shqipërisë treguan nivel në fushën e lojës, paçka se patën dy penallti kundër, një të anuluar pas ndërhyrjes së VAR. Tanët e mbyllën ndeshjen me një lojtar më pak, pas daljes me karton të kuq të Fangaj (minuta 90).
Pjesa e parë pa Egnatian ta niste ndeshjen me më shumë dëshirë, duke dominuar në minutat e para. Rrogozhinasit mbrojtën mirë dhe pjesa e parë u mbyll pa ndonjë rast të rrezikshëm.
Në fraksionin e dytë, konkretisht në minutën e 68-të kryesori skocez Beaton akordoi 11 metërsh për sllovenët, pas ndërhyrjes së gabuar të Eljon Sotës. Nga pika e bardhë Tamm dështoi ta çonte sferën në rrjetë duke goditur jashtë.