Egnatia dhe Tirana u ndanë në paqe në duelin e javës së 30-të të Kategorisë Superiore, me sfidën që përfundoi në barazim 1-1 në Rrogozhinë. Vendosën sfidën Sota e Soler. Një ndeshje e luftuar, ku të dyja skuadrat patën momentet e tyre, por nuk arritën të siguronin më shumë se një pikë secila.
Egnatia kalon në avantazh me mbrojtësin Sota
Vendasit nisën ndeshjen me synimin për të marrë tri pikët përballë Tiranës. Në minutën e 21′top i gjatë i Smaçit që ndalet në mënyrë perfekte nga Ernest. Sulmuesi hyn në zonë dhe gjuan në diagonale, por sfera shkon jashtë. Tirana mund të kishte kaluar në avantazh në minutën e 34’, ku sërish Ernest shpërthen me forcë në zonë, gjuajtja e tij e parë ndalet nga shtylla dhe më pas topi i kthyer te sulmuesi fluturohet jashtë në mënyrë të gabuar nga lojtari i bardhebluve. Dy minuta nga ky moment, Egnatia shënon me Sotën.
Tirana rikuperon dhe siguron një pikë
Kur pritej përfundimi i pjesës së parë, në një moment pakujdesie në mbrojtje, Soler shënon, duke devijuar topin në rrjetë.
Pjesa e dytrë nisi me shumë nervozizëm, ku u morën shumë kartona. Ujka për Egnatian u ndëshkua fillimisht në minutën e 56′, ndërsa e dyta erdhi në të 73-tën. Me një lojtar më pak u mendua se Tiran do e kishte të thjeshtë, por nuk rezultoi kështu sepse Vera, mbrojtësi argjentinas u ndëshkua me kartonin e dytë, pas ndërhyrjes ndaj Zejnullahit. Tirana vijon “sëmundjen” e barazimeve dhe ende ndjen rrezikun e rënies me 31 pikë, ndërsa Egnatia vijon të kryesojë me 54 pikë.
1 comment
Comments are closed
Add Comment