Askush nuk e priste, por një prej banoreve më të komentuara të këtij edicioni, Egli Tako, ka vendosur të largohet përfundimisht nga “Big Brother VIP Albania” dhe të tërhiqet nga gara për shkak të disa problemeve shëndetësore.
Për këtë arsye, “Big Brother VIP 4” ka anuluar televotimin, i cili përfshinte të gjithë banorët, përveç Gjestit, ku njëri prej tyre pritej të linte shtëpinë më të famshme në Shqipëri të shtunën.
Në një njoftim zyrtar, “Big Brother” bëri të ditur vendimin për anulimin e televotimit, duke shpjeguar se ky ishte pasojë e largimit të Eglit për arsye shëndetësore.