KUJDES! Fotot e mëposhtme mund të përmbajnë pamje të pakëndshme për disa.
Një ngjarje e pazakontë dhe e frikshme është shënuar mbrëmë në sfidën Everton-Newscastle, e vlefshme për Premier League, Angli.
Një tifoz i ri ka hyrë në fushë dhe ka tentuar të mbysë veten e tij duke u lidhur pas shtyllës së portës, ku qafën e kishte shtrënguar me një lidhëse.
Forcat e rendit hynë menjëherë në fushën e stadiumit për t’i shpëtuar jetën dhe u deshën disa minuta deri në lirimin e tij nga lidhësja në qafë.
Sipas mediave të huaja ende nuk dihen arsyet se pse i riu ndërmori një akt të tillë, mirëpo në bluzën e tij ishte shkruar:
“Vetëm ndaloni naftën.
Ne nuk kemi të ardhme!”
Këto fjali janë një aludim se tifozi ka qenë duke protestuar me flijimin e tij kundër sheikëve që kanë marrë drejtimin e klubit të Newcastle.