Një video po bëhet virale orët e fundit. Ajo tregon disa vajza minorene të cilat po thithin tullumbace me oksid azoti. Kjo lloj droge po bëhet gjithnjë e më shumë problem kohët e fundit në kryeqytet, ku të rinjtë po e thithin pa kontroll.
Në videon për të cilën thuhet se është filmuar në Tiranë duken disa vajza të moshave jo më shumë se 14-15 vjeç të cilat po marrin “tullumbacen drogë”. Në video shihet njëra prej tyre që bie në tokë si pasojë e substancës së fortë që përmban ky lloj gazi. Policia nuk ka reaguar ende për videon në fjalë. Më herët policia njoftoi arrestimin e një personi nga Durrësi që reklamonte në rrjetet sociale bombola me oksid azoti që sipas tij “të çojnë në avion”.