Shpëtim Duro ka mbyllur këtë edicion me një titull kampion historik të fituar në Maqedoninë e Veriut, ku për herë të parë ngriti trofeun me skuadrën e Strugës. Tekniku kryeqytetas u ndal te Orges Shehi, me teknikun e Tiranës që mund të drejtojë Shkëndijën e Tetovës dhe me njëherë i bën sfidën e parë.
“Orges Shehi është trajner i ri. Me të kam patur një lidhje të veçantë, pasi na ka lidhur puna. E kam patur portier te Besa, te Partizani. Te Besa fituam trofe, te Skënderbeu fituam trofe. Kemi pasur lidhje trajner-futbollist. Unë e mirëpres në kampionatin e Maqedonisë. E deklaroj këtu që do ta mund.”