Partizani do të udhëtojë në Kukës për të sfiduar verilindorët në çerekfinalen e parë të Kupës së Shqipërisë. Kjo përballje do të luhet ditën e nesërme në orën 13:30 në “Kukës Arena”.
Në prag të këtij takimi ka folur Orges Shehi, i cili ka theksuar se do të ketë të gjithë lojtarët e gatshëm. Ndër të tjera timonieri i të kuqve do të deklaronte se skuadra e tij do të luftojë në të dyja frontet pasi synon t’iu shkojë deri në fund.
KUPA-I gjithë përqëndrimi është nesër tek çerekfinalja. Ne jemi në fazë që edhe pak mbledhim frytet e sezonit. Dua të shkojmë sa më larg në të dyja kompeticionet e kemi vlerësuar ndeshjen e nesërme që është çerekfinale dhe duam gjysmëfinale. Kemi përqëndrim dhe vlerësim.
SKUADRA-Grupi është i plotë, do të mundohemi të bëjmë zgjidhjet më efikase, ndonjë lojtar mund të ketë pak elementin e ngarkesës. Mundohemi të freskojmë skuadrën. Kur futet edhe Kupa në mes, ne kemi një kontingjent të plotë për të pritur këtë ndeshje. Është mirë që ndonjëherë ndeshjet janë shpesh, skuadrës kundërshtare i ka ndryshuar edhe njëherë trajner. Uroj ti ecë mbarë atje ku ka shkuar sepse i injekton skuadrës grintë, për nesër mbetet të shohim.
PORTIERI-Pano është portieri më i mirë i kampionatit dhe klubi ka investuar tek ai, Albani ka eksperiencë mbi supe dhe prandaj e thërrasim në ndeshje të caktuar”, ka theksuar Shehi.