Interi arriti një fitore mjaft të rëndësishme pasditen e djeshme, duke mundur Sasuolon me rezultatin 2-1 dhe duke thelluar diferencën me Milanin në 11 pikë.
Pas ndeshjes, trajneri ziklatër, Antonio Konte, u shpreh mjaft i lumtur për fitoren dhe mbrojti gjithashtu Lukakun, duke e cilësuar si një lojtar kyç të këtij Interi.
Lukaku: “Nuk e kam harruar se si shumë njerëz u treguan të zhgënjyer kur ne transferuam Lukakun dhe thanë se ai ishte tepër i vlerësuar. Por unë gjithmonë kam besuar se ai arriti këtu me potencialin e tij dhe se nëse do të punonte shumë ai mund të bënte gjëra të jashtëzakonshme. Lautaro dhe Lukaku nuk luajnë vetëm për të shënuar, por për ekipin, sepse ata e dinë që nëse luajnë kështu, golat do të vijnë nga situatat që ne krijojmë. Të dy janë të lumtur kur arrijnë të shënojë në një ndeshje së bashku”.
Sasuolo: “Ka skuadra si Sasuolo që vijnë me një ide të qarta dhe duan të japin përshtypje të mira, por nëse ja del të luash më mirë dhe të jesh më i qëndrueshëm atëherë do të fitosh. Urime Sasuolos që luajtën ndeshjen në stilin e tyre, këto janë ndeshje të rëndësishme për ne që demonstrojnë rritjen tonë si ekip. Ne do të ishim akoma në Ligën e Kampionëve nëse do të kishim luajtur gjatë gjithë kohës me këtë qëndrim. Unë jam i zhgënjyer që arritëm të pësonim gol, por rëndësi kanë tre pikët”.
Titulli: “Kanë mbetur ende shumë ndeshje dhe çdo fitore vlen gjashtë pikë në këtë moment. Duke fituar, ne u bëjmë presion të tjerëve dhe ua bëjmë të qartë se do të jemi pretendentë deri në fund. Çdo lojë që fitojmë na jep kënaqësi, ju mund ta shihni atë në sytë e të gjithëve”.
Juvja: “Ne duam të bëjmë diçka të madhe për një klub që nuk ka fituar për 10 vjet. Do të ishte mirë nëse do të ishim ne që i jepnim fund mbretërimit të atyre që kanë fituar për nëntë vjet. Do të ketë tension nga ky moment e tutje, mbase topi do të ndihet më i rëndë për ne ndërsa për kundërshtarët tanë do të jetë edhe më i rëndë nëse kanë objektiva për të arritur”, u shpreh i lumtur Antonio Konte.
Burimi: PANORAMASPORT.AL