Mbrëmjen e djeshme Zhaklin Lekatari u përplas ashpër me Efin. Por gjatë debatit, Efi përmendi 2 elemente, që me të e patën personale, ndërsa Zhaklinës i kujtoi prapaskenën, pa e përmendur se çfarë. Pas sherrit të mbrëmshëm janë publikuar bisedat të një zënke mes Efit dhe Zhaklinës në momentet kur Efi ka qenë jashtë Big Brother që mesa duket ka qenë prag për një përplasje fizike, gjë për të cilën, Efi qenka stepur.
Opinionistët e mohuan duke thënë “gënjen, debatet tona i ka parë gjithë Shqipëria”, mirëpo shoqja e Efit ka publikuar së fundmi një bisedë me Efin, ku kjo e fundit i thotë se është zënë keq me Zhaklinën.
“U zura me Zhakun keq. Ua më erdhi në fytyrë duke ulëritur. Do e kisha mbytur në dru”, ka shkruar Efi.
Kujtojmë se situata agravoi pasi Efi e akuzoi Arbrin se e ka personale me të, madje ajo kërkoi dhe largimin e menjëhershëm nga shtëpia pasi u shpreh se nuk mund t’i përballonte më konfliktet me opinionistët. Ndër të tjera, Efi la të kuptojë se ka ndodhur diçka mes saj dhe Zhaklina Lekatarit, ku u shpreh se ajo ndryshe duket përpara kamerave dhe ndryshe në prapaskenë.