Dinamo- Skënderbeu ishte një nga sfidat e ditës së sotme që u luajt në kuadër të javës së 29-të të Kategorisë Superiore. Në këtë duel, kryeqytetasit fitojnë me shifrat 2-0 dhe tani është një garë e hapur për vendin e katërt. Dinamo erdhi në këtë përballje pas tre ndeshjeve pa fitore dhe ndaj korçarëve synimi i vetëm ishin 3 pikët për të mos komplikuar më shumë pozitat e tyre në tabelën e klasifimit.
NDESHJA E PLOTË
Në minutën e 3′ aksion individual spektakolar i Kaçorrit i cili kalon mbrojtësit që i dalin para dhe pastaj mposht edhe portierin, duke i dhënë avantazhin ekipit të tij. Liço dhe Rashica kërkuan të shënonin për Skënderbeun por pa ia dalë dot. Në pjesën e dytë, Dinamo do të shënonte sërish.
Në minutën e 82′, pas një aksioni nga e djathta, topi shkon te Qefalija i cili me një diagonale me të majtën të devijuar, çon sferën në rrjetën e portierit Alia. Me këtë sukses, Dinamo shkon në vendin e 6-të në kuotën e 39 pikëve, ndërsa Skënderbeu mbetet në vendin e katërt në kuotën e 40 pikëve.