Një situatë e pazakontë ka ndodhur mbrëmjen e djeshme në shtëpinë më të famshme në Shqipëri, “Big Brother VIP 3”, ku si protagonistë ishin Endrik Beba dhe Albi Nako.
Këngëtari i ‘dhuroi’ koreografit një puthje në hundë, veprim i cili u prit me të qeshura nga banorët e tjerë që ishin pranë tyre.
“Më degjeneruat fare”, dëgjohet të thotë më pas Albi Nako.
E gjithë kjo situatë u krijua teksa disa nga banorët e BB VIP ndodheshin në fermë duke u kujdesur për kafshët. Ata vendosën që të luanin lojën me dënime, e Endrikun e dënuan që të puthte Albin.
Kjo nuk ishe puthja e vetme që u dha gjatë kësaj loje, pasi edhe Fation Kuqarin e dënuan që të puthte në buzë Arta Kabashin.