Lëvizje surprizë në ditën e fundit të merkatos. David Atanaskoski rikthehet te Partizani. Mbrojtësi 28-vjeçar, i cili fitoi titullin kampion me “Demat e Kuq” në sezonin 2022/2023 dhe Superkupën në sezonin 2023/2024, pas eksperiencës në Rumani, rikthehet në elitën e futbollit shqiptar.
Nëpërmjet një postimi në faqen zyrtare, klubi i kuq bën me dije se Atanaskoski ka firmosur një kontratë për një vit e gjysëm. Në total 28 vjeçari me Partizanin ka dhuruar 77 paraqitje.
NJOFTIMI I KLUBIT:
FK Partizani me kënaqësi zyrtarizon rikthimin e David Atanaskoskit.
Mbrojtësi i majtë i cili ishte pjesë e Partizanit për dy sezone, pas eksperiencës në Rumani rikthehet në Shqipëri duke konfirmuar se të kuqtë mbeten e vetmja zgjedhje në kampionatin Shqiptar. Atanaskoski ka firmosur me të kuqtë një kontratë për një vit e gjysëm. Në total David Atanaskoski me Partizanin ka dhuruar 77 paraqitje duke fituar me të kuqtë titullin kampion në sezonin 2022 – 2023 dhe trofeun e Superkupës së Shqipërisë.
LEXO ME SHUME:E FUNDIT/ Nuk luhet në Air Albania, mësohet stadiumi për derbin mes Partizanit dhe Tiranës
Derbi mes Partizanit dhe Tiranës që do të zhvillohet më datë 9 shkurt, e vlefshme për javën e 24-të të Abissnet Superiore do të zhvillohet në “Arenën e Demave”. Një derbi që zhvillohet për herë të parë në këtë impiant, që nga 14 nëntori i vitit 2022, ditë ku klubi i kuq zhvilloi ndeshjen e parë. Stadiumi “Arena e Demave” ka një kapacitet prej 4.500 vendesh.