Një ndër temat që është bërë kryefjala e mediave kohëve të fundit ka qenë pikërisht lidhja e Trixës me Donaldin.
Ata u diskutuan për një ndarje të mundshme, edhe pse ditët e fundit u duk se çifti i kishin qetësuar ujërat dhe dukenin më të lumtur se kurrë pranë njeri-tjetrit.
Mbrëmjen e djeshme, ndër të tjera është folur gjatë për dyshen më të përfolur të momentit dhe marrëdhenien e tyre.
Gjatë një klipi të shfaqur nga “Vëllai i Madh” me konfliktet dhe keqkuptimet e tyre, Donaldi ka reaguar duke thënë se këto gjëra i duken shumë normale në një lidhje dhe janë situata kalimtare.
“Ka momente që ndryshe nga Trixa unë nuk jam njeri që i flas gjërat ose të dua të flas gjithë kohës kur ndihem keq. Këto momente më janë dukur normale dhe ne i kemi folur. Mendoj se normalisht që ka të drejtë Beatrix në disa momente sepse gjëja e fundit që dua të bëj në këtë shtëpi është të mërzis Trixën.”– ka thënë aktori i humorit.
Edhe Beatrix nga ana tjeër, është shprehur se ndihet me e qetë tani që çifti i kanë sqaruar gjërat me njeri-tjetrin.
“Nuk dua vëmendje 24 orë realisht, thjesht dua të jemi të qetë të dy; të jem okay dhe unë dhe gjërat të shkojnë rrjedhshëm.”