Vllaznia ka fituar në transfertën e vështirë të Skënderbeut. Në ndeshjen e zhvilluar në Korçë, ekipi shkodran fitoi me rezultatin minimal 0-2. Vendasit e kishin shumë të vështirë pasi luajtën me 10 lojtarë që nga minuta e 34’ e sfidës.
Pas kësaj sfide, për mikrofonat e MCN TV ka folur, trajneri i Vllaznisë, Migen Memelli.
“Kam dalë në këtë intervistë për të respektuar të gjithë të ftuarit. Për hirë të së vërtetës më duhet të jap një lajm që nuk është i mirë. Vajza e mikut tonë Alban Hasani, drejtorit të akademisë së Vllaznisë, po lufton me jetën. Në këto kushte kemi shumë ngarkesë psikologjike”, u shpreh trajneri i Vllaznisë.