DESH- Dinamika ego-shpirt është qasja holistike ndaj zhvillimit njerëzor e përpunuar nga lideri botëror Richard Barrett, në librat e tij “Çfarë më tha shpirti mua” botuar në vitin 2012 dhe “Psikologjia e re e mirëqenies njerëzore” në vitin 2016. Qasja e DESH, e bazuar në modelin Barrett të Fazave të Zhvillimit Personal, na çon në një kuptim energjik të realitetit që ndërthur, shkencën, psikologjinë dhe shpirtëroren.
Ajo që e veçon qasjen DESH nga shumica e modeleve të tjera të zhvillimit është se hulumton shëndetin mendor dhe fizik nga këndvështrimi dinamik evolucionar i ego-shpirtit.
Ju nuk do ta gjeni këtë qasje në asnjë dokument shkencor, sepse shpirti nganjëherë quhet uni i lartë, thelbi i brendshëm ose thjesht vetja, ku së bashku me temën e vetëdijes është injoruar kryesisht nga bota akademike moderne.
Ky nuk është rasti i 60 – 80 viteve më parë kur psikoterapistët e njohur ndërkombëtarisht Carl Jung dhe Roberto Assagioli zhvilluan qasjen psikologjike ndaj shëndetit mendor që përfshinin shpirtin.
Ne vetëm mund ta vlerësojmë qasjen e DESH ndaj shëndetit mendor dhe fizik duke pranuar kufijtë e perceptimit tonë fizik tre-dimensional dhe duke përqafuar jetën tonë të brendshme energjike plotësisht, veçanërisht nevojat e egos, dëshirat e shpirtit dhe se si këto nevoja dhe dëshira kryqëzohen dhe ndikojnë në mendimet, besimet, vlerat, emocionet dhe ndjenjat tona.
DESH përfshin dhe kapërcen qasjen shpirtërore të jetës. Kur fokusi juaj është në mënyrë unike “shpirtërisht”, ju jeni të përqendruar në udhëtim. Kur fokusi juaj është “duke jetuar jetën e shpirtit tuaj”, ju jeni të përqendruar tek udhëtimi dhe destinacioni. Ju e dini se ku po shkoni dhe keni mjetet për t’ju mbështetur në udhëtim.
Burimi: Richard Barrett – What is Ego-Soul Dynamic