Egnatia ka triumfuar në shtëpi përballë Bylisit, në ndeshjen e vlefshme për javën e 5-të të Superiores. Sfida e zhvilluar në Rrogozhinë, përfundoi me fitoren e thellë 4-0 të vendasve. Pas kësaj sfide, ka folur dhe trajneri i Bylist, Emmanuel Egbo.
“Nuk është që na dominoi Egnatia. Ne e nisëm mjaft mirë pjesën e parë me presing të lartë. Goli i dytë ishte offside e kemi parë. Donim të shkurtonim diferencën në 2-1, por më pas Egnatia shënoi të 3-tin dhe të 4-tin.
E kam vënë re që ishim dobët 20 minutat e fundit. Kemi lojtarë që kanë ardhur pa minuta në këmbë, apo ata që kanë ardhur me vonesë në stërvitje, por kemi dhe nga ata që kanë pasur probleme fizike”, tha Egbo.