Tashmë zyrtarisht sfida mes Bylis dhe Elbasanit do të luhet në “Elbasan Arena”. Ndodh ashtu siç pritej dhe “dëshira” e skuadërs elbasanase plotësohet.
Kështu FSHF-ja së bashku me Bylisin kanë pranuar kërkesën e skuadrës së Nevil Dedes dhe kjo përballje do të luhet në shtëpinë e kampionëve të Kategorisë së Parë. Ditën e enjte në orën 17:00 dy ekipet do të vihen përballë në një sfidë që luhet vetëm për statistikë.
AF Elbasani është shpallur kampion dhe tashmë do të ketë fatin të festojë para tifozëve ngjitjen në Superiore. Pritet që mbështetja e tifozëve të jetë e lartë, teksa klubi bën thirrje që të mbushin shkallët e stadiumit për të kthyer në një ditë festë të paharrueshme dhe historike për qytetin e tyre.