Lorik Boshnjaku është bërë me skuadër të re dhe pas dy vitesh rikthehet në futbollin kosovar. Përkundër se kishte një marrëveshje verbale me Gjilanin, Suhareka ka ndërhyrë dhe ka fituar shërbimet e mesfushorit prishtinas.
Suharekasit kanë bërë një ofertë shumë më të madhe financiare se Gjilani duke siguruar shërbimet e ish-lojtarit të Vllaznisë. Mësohet se paga e Boshnjakut do të jetë 100 mijë euro në vit. Bëhet fjalë për një kontratë dy vjeçare mes Boshnjakut dhe skuadrës së udhëhequr nga Shpëtim Duro.