Misioni i SHBA-së në kuadër të OSBE-së kanë lëshuar një komunikatë për media me rastin e 24 vjetorit të fillimit të fushatës së bombardimit të Jugosllavisë nga NATO. Në këtë reagim theksohet se NATO e nisi këtë operacion për t’i dhënë fund një dekade gjakderdhjeje në Ballkan.
Ky intervenim i NATO-së, siç shkruan njoftimi, kishte ardhur pasi ishin shteruar të gjitha rrugët diplomatike për t’i dhënë fund fushatës brutale të spastrimit etnik kundër shqiptarëve të Kosovës që e sponsorizonte regjimi i Sllobodan Milloshevicit. Misioni amerikan në OSBE thonë se përdorimi i forcës nga NATO në këtë rast ka qenë i nevojshëm dhe legjitim.
"24 years ago, @NATO launched Operation Allied Force to end a decade of bloodshed in the Balkans." Read the full statement from @usosce: https://t.co/7RAfGOfdaT
— U.S. Embassy Pristina (@USEmbPristina) March 24, 2023
“Këshilli i Sigurimit i OKB-së kishte shprehur shqetësimet e tij për situatën e rëndë humanitare në Kosovë, numrin në rritje të refugjatëve dhe kërcënimin që paraqet për paqen dhe sigurinë ndërkombëtare. Kujtoni qindra mijëra njerëz të pafajshëm të dëbuar nga shtëpitë e tyre dhe mijëra të vrarë ose të zhdukur për shkak të dhunës së regjimit etno-nacionalist të Milosheviçit dhe forcave të tij”, thuhet në komunikatë.