Eksperti i merkatos në Itali, Gianluca Di Marzio raporton, përmes FCInterNeës, se ka pasur kontakte pozitive mes Interit dhe Bolognas për transferimin e Asllanit. Klubi zikaltër nuk e sheh më 23-vjeçarin në planet e tyre, me drejtuesit që kanë luftuar me kohë për të gjetur një blerës.
Sipas Gianluca Di Marzio, klubi emilian ka zhvilluar kontakte të vazhdueshme me Interin dhe Bologna po synon të nënshkruajë me Asllanin direkt dhe jo në formë huazimi me çmim më të ulët nga 16-17 mln eurot që kërkon Interi dhe klubi nga Milano mund të mbajë 25-30% të kartonit të shqiptarit për një rishitje të ardhshme. Ndërkohë, edhe Bologna po punon për të bindur vetë Asllanin në lëvizje.