Moderatori dhe gazetari i njohur Blendi Fevziu ka publikuar pamjet e asaj që thotë se është vila më e madhe private në plazhin e Kep Merlit në Ksamil. Këngëtarja shqiptare Dua Lipa mund të themi se është bërë e përvitshme në këtë vilë.
Verën që sapo lamë pas, në Kep Merli dhe pikërisht në vilën që gazetari prezanton, ka pushuar dhe vajza e presidentit amerikan Donald Trump, Ivanka Trump.
Nga pamjet, shihet qartë se vila ka një hapësirë ekstra të bollshme në pjesën e jashtme të saj, me tavolinë ngrënie, dy kënde pushimi, shezlongë dhe një pishinë mbi 20 metra të gjatë, si dhe një plazh privat vetëm për pushuesit e saj. Edhe pjesa e brendshme është e organizuar në detaje, në të dy katet e saj. E veçanta e kësaj vile në Kep Merli në Ksamil është dhe pamja e jashtëzakonshme përballë që ajo ofron, me ishullin e Korfuzit dhe një kaltërsi fantastike të detit.