Skënderbeu po vijon punën për ndërtimin e ekipit me kërkesat dhe pritshmëritë e sezonit të ri. Duke pasur parasysh arritjet e sezonit të kaluar dhe pritshmërive të sezonit të ri korçarët duket se janë të përqendruar te ndërtimi i një ekipi solid për kampionatin e ardhshëm.
Orët e fundit te Skënderbeu po përflitet për një aksioner gjerman Daniel Thomas Loitz që kërkon 25% të aksioneve të klubit korçar. Palët janë takuar në Tropikal dhe kanë folur rreth kësaj mundësie por që në atë moment e në vazhdim nuk është bërë asgjë më shumë.
Investitori gjerman ka arritur të bindë vetëm Krasniqin për t’u bashkuar me ekipin dhe më pas nuk është shfaqur më në ambientet e klubit korçar. Në kushte të tilla bardhekuqtë janë të hapur për bisedime teksa kërkojnë të shohin më me hollësi projektin dhe kërkesat e investitorit që kërkon të hyjë si donator në këtë shoqëri.