Dje (e mërkurë) filmi “The Harder They Fall” hapi Festivalin e Filmit në Londër, me një tapet të kuq që shënoi kthimin në premierat e mbajtura në mënyrë fizike.
E pjesë e kësaj mbrëmje të rëndësishme ishte edhe Beyonce, e cila ishte aty si përkrahës e burrit të saj, Jay Z, i cili është producent i filmit.
Dukjen për këtë paraqitje, Beyonce ia ka besuar stilistit të njohur shqiptar, Valdrin Sahiti.
Një fustan i zi i gjatë ishte përzgjedhja e yllit botëror, e si detaj që e bënte atë edhe më elegant ishte prerja në pjesën e sipërme.
Fustanin diva e kombinoi me taka të zeza, syze dielli të zeza dhe një çantë dore me gurë të vegjël argjendi.
Ndryshe, kjo është hera e dytë që Beyonce zgjedh të vishet me një kreacion të Sahitit, ajo së pari zgjodhi një fustan të kuq për paraqitjen në ‘Pre-Grammy Awards 2020’.