Mesfushori i Kombëtares kuqezi, Kristjan Asllani ka mbërritur në Stamboll. Lajmin e ka bërë të ditur vetë klubi turk, Beshiktash. Në profilin zyrtar janë postuar foto të Asllanit teksa shkruhet se tani ai do tju nënshtrohet vizitave mjekësore.
23-vjeçari do të huazohet deri në fund të këtij sezoni, me të drejtë blerje nga Beshiktash. Sipas mediave në Turqi, bëhet fjalë se bardhezinjtë mund të blejnë përfundimisht kartonin e tij për një çmim të fiksuar prej 10 milionë euro.
Beshiktash vërteton edhe një herë tërheqjen që ka për futbollistët kuqezi, pasi klubi nga Stambolli ka në pronësi edhe Ernest Muçin, të cilin e ka huazuar te Trabzonspor.
POSTIMI I KLUBIT TURK
Kristjan Asllani, futbollisti profesionist me të cilin kemi filluar negociatat e transferimit, ka mbërritur në Stamboll për të vazhduar bisedimet dhe për t’iu nënshtruar një vizite mjekësore.