Paratë që përfitoi ajo investoi në kirurgji plastike, duke bërë gjoksin dhe vithet.
“Menaxherja e sallonit të bukurie në Seine-Saint-Denis dyshohet për përvetësimin e ndihmave për papunësinë e pjesshme të zbatuar nga shteti pas shpërthimit të Covid-19” shkruajnë mediat franceze.
Gruaja, 38 vjeçare, përfitoi 210,000 euro ndihmë financiare pasi raportoi në faqen e internetit të krijuar nga shteti gjatë mbylljes nga pandemia se kishte 50 punonjës pa paga, por që në realitet nuk ekzistonin.
“Një deklaratë e thjeshtë në internet ishte e mjaftueshme atëherë, nuk kishte kontroll”, specifikon një gjyqtar.
Siupas hetimeve, ajo fillimisht shpenzoi 12,000 euro për të bërë gjoksin dhe vithet e saj tek një kirurg. Më pas bleu një automjet për 35,000 euro dhe sende të tjera luksi.
Shëndet i dobët mendor
Përveç kësaj, ajo pagoi tarifat e shkollës së katër fëmijëve të saj me një çek për 25,000 euro dhe depozitoi 90,000 euro në llogaritë e tyre bankare. Gruaja u kujdes gjithashtu të linte 86,500 euro mënjanë.
Para policisë, ajo e shpjegoi qasjen e saj me një shëndet të brishtë mendor.
Ajo do të duhet të paraqitet para gjykatë në Paris në 22 tetor, përpara një gjykimi të mundshëm.