Berat Gjimshti është shfaqur protagonist në ndeshjen që ekipi i tij Atalanta, po luan në transfertë përballë Juventusin, në kuadër të javës së 28-të të kampionatit italian. Sfida që po zhvillohet në Torino është momentalisht 2-2.
Gjimshti ishte pikërisht ai që asistoi në golin e dytë për të tijët. Kapiteni i Kombëtares shqiptare dha një top mjaft të bukur “alla Modriç”, për Koopmeiners, me këtë të fundit që e dërgoi atë në fundin e rrjetës.