Greqia ka paralajmëruar publikisht kushtëzimin e rrugëtimit të Shqipërisë në BE për shkak të çështjes së kryebashkiakut të zgjedhur të Himarës, Fredi Belerit, i cili ndodhet në burg për korrupsion në zgjedhje.
Për tensionet Shqipëri-Greqi është pyetur këtë të mërkurë ambasadori i BE-së në ikje, Luigi Soreca.
Ai deklaroi në një intervistë për Zërin e Amerikës se nuk dëshiron të hyjë në hollësi.
Mëgjithatë, Soreca kërkoi që të gjendet një zgjidhje e shpejtë, duke respektuar plotësisht shtetin e së drejtës.
“Për çështje specifike nuk do të hyj në hollësi, kuptohet, por shpresa jonë është që të gjendet një zgjidhje e shpejtë duke respektuar plotësisht shtetin e së drejtës”, nënvizoi ambasadori i BE-së në ikje.