Erion Veliaj nuk di të ndalet me bëmat e tij. Sajon lloj-lloj marifetesh si e si të përfitojë sa më shumë para nga taksapaguesit shqiptarë.
Së fundmi, ka ardhur edhe çmenduria e tij e radhës. Nuk i mjaftuan tenderat shkel e shko që ka bërë gjatë gjithë kësaj kohe sa është në krye të bashkisë, por tanimë tentakulat e tij i ka shtrirë gjetkë, pikërisht tek uji që presupozohet të jetë i pijshëm, por vetëm që i tillë nuk mund të quhet.
Nga muaji gusht i këtij viti, kryehajduti i Tiranës ka vendosur t’ju vjedhë qytetarëve 76% më shumë taksa nga uji i pijshëm. Sikur të mos mjaftonin hallet e qytetarëve, tanimë duhet të paguajnë këtë përqindje kaq të lartë, kur në fund të ditës sërish uji mbetet jo i konsumueshëm.
“Me ndryshimin e çmimeve fiskale detyrimi për taksën e ndërtesës nga muaji gusht e në vazhdim është 198 lekë në muaj.
Detyrimi vjetor që do të paguajë kjo familje për taksën e ndërtesës do të jetë në vlerën e 2,376 lekëve nga 1,680 lekë që paguante më parë (rritja 41%). Çmimi fiskal në zonën e Dajtit (fatura referuese e familjes në zonën e Freskut përfshihet në zonë kadastrale të Dajtit) me vendimin e mëparshëm ishte 53,500 lekë për metër katror. Nga korriku i këtij viti me vendimin e ri çmimi është 75,500 lekë. Në vlerë çmimi i referencës u rrit 22,000 lekë për metër katror apo 41%”,- citon Monitor.
Nuk e dimë se si do i përballojnë qytetarët këto rritje të pakuptimta që bëhen herë mbi shpatullat tona, por që haptazi Veliajt nuk po intereson, thjesht po shikon si e si të rrisë sa më shumë zero në të ardhurat e tij