Është tensionuar edhe më shumë situata në Pallatin e Rinisë dhe të Sporteve, aty ku po zhvillohet finalja e Superkupës së Kosovës në basketboll. Në finale të kësaj gare janë Sigal Prishtina dhe Trepça.
Pak çaste pas përfundimit të pjesës së parë, në tribuna u përmbys gjithçka. Ka pasur hedhje të mjeteve shpërthyese, si dhe shumë karrige tashmë janë shkatërruar. Pas këtij incidenti, reaguan edhe forcat e policisë.
Kujtojmë se të pranishëm në Pallatin e Rinisë dhe të Sporteve janë dy grupet e tifozëve, “Plisat” dhe “Torcidat”, të cilët nuk kanë aspak raporte të mira.