Barcelona dhe Real Madridi do të përballen sot (e mërkure) në kuadër të gjysëmfinales së Superkupës së Spanjës.
‘El Clasico’ i parë për këtë vit do të fillojë në ora 20:00 dhe do luhet në stadiumin “King Fahd International Stadium”.
Për duelin e vështirë, Blaugranasit do të jenë pa Sergi Roberto dhe Eric Garcia që janë të lënduar, derisa në dyshime janë Pedri, Ferran Torres dhe Martin Braithwaite.
Në anën tjetër, Los Blancos do të kenë mungesën e vetme të Gareth Bale, që është i lënduar.
Analizë
Barcelona
Skuadrës katalunase do t’i rikthehet Ansu Fati për këtë takim, mirëpo nuk pritet që ai të luajë nga minuta e parë, pasi ka qenë për një muaj jashtë fushe.
Ronaldo Araujo do të luajë në këtë takim, pas operacionit që kishte në dorë, derisa Frenkie de Jong është rikuperuar nga një lëndim në muskuj.
Pedri dhe Ferran Torres kanë udhëtuar për në Arabinë Saudite, mirëpo nuk dihet nëse do të luajnë në këtë sfidë.
Roberto dhe Garcia mbesin jashtë, ndërsa Braithëaite nuk dihet nëse është i gatshëm plotësisht.
Real Madrid
Bale vazhdon të jetë jashtë fushë edhe pse është rikthyer në stërvitje jo-intensive.
Marco Asensio duket se e ka fituar garën për të startuat në krahun e djathtë dhe pritet të startojë.
Karim Benzema dhe Vinicius Junior do të drejtojnë sulmin e Real Madridi, ndërsa së bashku kanë shënuar 29 gola në La Liga deri më tani në këtë edicion.
Parashikimi
Real Madridi pritet ta fitojë këtë duel me një gol diferencë ndaj Barcelonës
Formacionet e mundshme
Barcelona: Ter Stegen, Alba, Araujo, Pique, Alves, Busquets, De Jong, Gonzalez, Dembele, Depay, Luuk de Jong.
Real Madrid: Courtois, Carvajal, Alaba, Militao, Mendy, Casemiro, Kroos, Modric, Asensio, Vinicius, Benzema.