Barazimi i Korabit ndaj Tomorit në transfertë mund të jetë një pikë e vlefshme për ekipin dibran, por lajmet nga infermieria nuk janë të mira. Në minutën e 10′, sulmuesi i Korabit Ariel Dobra u dëmtua në një kontakt me kundërshtarin, dhe sipas informacioneve të fundit, futbollisti ka thyer klavikulën e shpatullës, një dëmtim që mund ta mbajë për katër muaj jashtë fushave të blerta.
Lajm jo i mirë vjen edhe për Dionis Çikanin, mesfushori i cili firmosi vetëm disa javë më parë, u dëmtua në seancën e fundit stërvitore, futbollisti ka ndjerë probleme në gju. Mësohet se ish-lojtari i Partizanit do t’i nënshtrohet rezonancës për të mësuar shkallën e dëmtimit.