LSI, ka filluar të çirret së fundmi për segmentin rrugorë Kardhiq-Delvinë.
Si forcë politike dhe opozitare, sigurisht duhet të ngrenë zërin, por fakti se është e njëjta forcë, zyrtarët e sëcilës janë akuzuar dhe kanë përfunduar në gjykata, me akuzat për korrupsion, ia ul kokën e bën të pabesueshme.
Nënkryetari i LSI-së, Petrit Vasili, që është bërë deputet me 362 vota, ka reaguar për investimin në rrugën Kardhiq-Delvinë.
Punimet në rrugën Kardhiq – Delvinë, që kanë nisur që në vitin 2007, që në kohën kur në pushtet ishte Sali Berisha, pra rreth 14 vite më parë, kur edhe LSI-së ka qenë në pushtet.
Kur zyrtarët e saj çdo ditë raportoheshin për korrupsion dhe shpërdorim detyre, njëri prej të cilëve është edhe ish Ministri i Transporteve Edmond Haxhinasto.
Punimet në këtë segmente rrugor nisën në kohën e Berishës dhe rruga u la në rrugëve nga Haxhinasto i LSI-së.
Nga 2013 deri në 2017, jo vetëm në investimin për segmetin rrugor Kardhiq-Delvinë por edhe në segmente të tjera rrugore si Qukës-Qaf Pllocë apo Tiranë-Elbasan, dyshohet se të gjitha zullumet drejtoheshin nga Edmond Haxhinasto dhe Sokol Dervishaj pas tij dhe në fund janë firmosur nga Albion Aliko.
Në vitin 2018, për rrugën Tiranë-Elbasan u vunë në pranga zyrtarë të LSI-së, nën verifikim nga Prokuroria për Krime të Rënda, sot SPAK, u vu edhe ish Ministri i Transporteve Edmond Haxhinasto.
Më 19.02.2018, Haxhinasto u pyet për më shumë se dy orë nga prokurorët e Krimeve të Rënda për llogari të dosjes së rrugës Tiranë-Elbasan.
Për të njëjtën çështje, Krimet e Rënda arrestuan ish-drejtorin e rrugëve Dashamir Xhika dhe dy ish-zyrtarë, Albens Alite dhe Aksel Qurduka.
Dashamir Xhika qëndroi për 4 vjet në krye të ARRSH-së. Ai vinte nga radhët e LSI-së dhe nuk u lëviz, pavarësisht akuzave për korrupsion.
Të tre ish-zyrtarët dyshohen për korrupsion dhe shpërdorim detyre me fondet dhe projektet për rrugën Tiranë-Elbasan, me një dëm që prokuroria e përllogarit në 80 milionë euro.
Aksel Qurduka ka mbajtur postin e ish-Drejtorit të Njësisë së Menaxhimit të Projektit të rrugës Tiranë-Elbasan, ndërsa Albens Alite, ishte drejtor i kësaj njësie, pranë Autoritetit Rrugor Shqiptarë.
Dëmi ekonomik i shkaktuar nga shkeljet e zyrtarëve në fjalë kapte vlerën e 53 milionë e 983 dollarë. Ndërsa16 milionë e 177 dollarë është dëmi nga shkelja e disiplinës financiare.
Pra, zyrtarët e LSI-së, akuzohen me dokumenta dhe ende nuk dihet se si shpëtoi nga prangat, ish Ministri Edmond Haxhiansto.
Ndërsa faktet nuk mungojnë, sot “banda” e LSI që namin e vetëm e ka për hajdutëri del dhe bën thirrje për kapje të hajdutit.