Ditën e djeshme u mblodh kryesia e Partisë Demokratike ku u vendos që zgjedhjet për kryetar të ri të PD-së do të mbahen në 13 qershor dhe jo me 22 Korrik që është e parashikuar me statut.
Me anë të një reagimi të fortë në rrjetin social Facebook, aktivistja e njohur shqiptare e republikanëve në SHBA, Evi Kokalari ka hedhur akuza ndaj kreut të PD-së.
Ajo thekson se PD ka nevojë për ndryshim dhe reformim, dhe sipas saj nëse Lulzim Basha do ta mbajë peng Partinë, atëherë diaspora do të bashkë forcat dhe do të krijojë një parti të sajën, duke shteruar PD.
Lidhur me këtë reagim avokati i njohur Altin Goxhaj, shprehet se edhe personazhe me peshë të fortë në politikë po e kuptojnë se misioni i Bashës është të mbajë në pushtet kryeministrin Rama.
“Ja kshu kshu, erdhi dhe reagimi i parë nga Amerika, nga peshat e rënda që po e kuptojnë që Lyli është Kim Filbi i Soros që ka për “Mision” shkretimin e Opozitës dhe mbajtjen në pushtet jo vetëm të Ramës por edhe Zahos!!!”, – shkruan Altin Goxhaj.