Policia e Tiranës ka vënë në pranga Lajden Kadilli, i cili akuzohet për disa tentativa vrasje. Sipas News24, Kadilli është arrestuar mbrëmjen e djeshme (29 shtator) në Unazën e Re nga patrullat e vendosura në atë zonë, të cilat ndaluan një mjet dhe pas kontrollit rezultoi se drejtuesi ishte i shpallur në kërkim.
Gjate kontrollit fizik policia i gjeti në makine një armë zjarri tip pistolete Makarov, e cila ishte gati për qitje (me fishek ne fole).
I riu akuzohet për disa ngjarje, mes tyre edhe për një sherr, ku kërcenoi me armë edhe djemtë e deputetit Spartak Braho.
Kadilli ishte shpallur në kërkim për tentativën e vrasjes ndaj Gentian Rahmanit. Ngjarje e ndodhur po në zonën e Unazës së Re ku Rahmani u plagos në këmbë.
Kadilli rezulton me precedentë penale i përfshirë edhe në disa plagosje në Durrës.