Enea Jorgji dhe Eldorian Hamiti ishin të angazhuar mbrëmjen e djeshme në Ligën e Konferencës, prandaj derbi i sotëm i kryeqytetit i është besuar gjyqtarit Olsid Ferataj, që ka fituar garën me alternativat e tjera që mbajnë stemën e FIFA-s si Juxhin Xhaja dhe Florian Lata.
Gjyqtari nga Patosi për herë të parë në karrierë do të vendosë drejtësi në derbin Partizani-Tirana, takim që do të luhet sot në orën 19:00 në stadimin “Air Albania”. Asistentë të kryesorit Ferataj do të jenë Rejdi Avdo dhe Arbër Zalla, ndërsa në VAR Kreshnik Bajramaj.