Flamurtari shkon shumë pranë ngjitjes në “Abissnet Superiore”. Skuadra vlonjate ia doli që të triumfonte në finalen e “Play Off” përballë Apolonisë me rezultatin 3-4 pas penalltive.
120 minuta lojë përfunduan në barazim pa gola, teksa ishte portieri Teqja protagonist duke shënuar 1 gol nga penalltia dhe duke pritur 2. Tashmë, Flamurtari do të përballet me Laçin për të vendosur ekipin që do të jetë pjesë e elitës sezonin e ardhshëm.