Albano Aleksi ka rinovuar kontratën me Egnatian. Lojtari që shikohet si i pazëvendësueshëm për trajnerin Tetova ka nënshkruar kontratë të vlefshme deri në vitin 2028.
Disa skuadra në Superiore si Tirana dhe Vllaznia kishin shfaqur interes për mesfushorin, por Demrozi e ka bindur Albano Aleksin të jetë pjesë e klubit edhe për disa vite.
Njoftimi i Egnatias:
“Albano Aleksi qëndron tek kampionët! Kemi kënaqësinë t’ju njoftojmë se kontrata me mesfushorin është rinovuar për 3 vjet të tjera. Suksese!”, shkruhet nga klubi kampion.
32-vjeçari ishte në dyshim për të ardhmen, por Egnatia edhe njëherë tregon se nuk i lëshon titullarët. Në të njëjtën pozitë ndodhen edhe Zejnullai e Ndreca. Këto lojtarë kanë qenë pjesë e rëndësishme e rrogozhinasve, që kanë fituar dy tituj kampion radhazi.
LARGIMI I MALOTES NGA FUTBOLLI AKTIV
Renato Malota duket se po mendon tërheqjen nga futbolli. Aktualisht mbrojtësit i përfundon kontrata në fund të këtij muaji dhe me shumë gjasa ish-futbollisti i Kukësit nuk pritet të rinovojë me Egnatian. Kapiteni i rrogozhinasve mendon pensionimin dhe në këto kushte në Rrogozhinë kanë nisur punën për të mbajtur lojtarin në klub. Drjetuesit kanë menduar t’i japin atij një rol të ri në skuadër.