207
Një aksident tragjik ka ndodhur mëngjesin e së shtunës në Raçë të Gjakovës, ku raportohet për 3 persona të vdekur.
“Ju njoftojmë se sot rreth orës 07:40 policia është njoftuar për një aksident në fshatin Raçë. Patrullat policore kanë dal në vendin e ngjarjes ku kanë vërejtur se brenda veturës e cila kishte dal jashtë rrugës kanë qenë tre persona. Në vendin e ngjarjes kanë dal ambulanca, zjarrfikësit, njësia e trafikut si dhe prokurori kujdestar. Nga ana e personelit mjekësorë në vendin e ngjarjes është konstatuar se personat qe gjendeshin brenda veturës ishin pa shenja jete”, thuhet në njoftimin e Policisë së Kosovës.
Mediat në Kosovë raportojnë se dyshohet që viktimat janë nga Shqipëria. Rrethanat e aksidentit janë të paqarta.