Një ngjarje tejet e rëndë ka ndodhur pak më parë në një aksion rrugor që lidh Kalimashin me Kukësin. Sipas informacioneve paraprake, mësohet se një automjet ka rënë në humnerë.
Një person ka mbetur i lënduar si pasojë e aksidentit, dhe pas nxjerrjes nga mjeti i tij është dërguar me urgjencë për në spital.
Në vendin e ngjarjes ka mbërritur zjarrfikësja, e cila ka bërë të mundur nxjerrjen e të plagosurit nga makina, ndërsa paraprakisht dyshohet se ai ndodhet në gjendje të rëndë.
Momentalisht nuk ka ende një njoftim zyrtar për aksidentin, dhe nuk dihet identiteti i drejtuesit të mjetit që ka mbetur i plagosur.