Një 17 vjeçar shqiptar ka humbur jetën si pasojë e një aksidenti të ndodhur të hënën në Kretë. Mediat shkruajnë se 17 vjeçari i cili bashkë me vëllain e tij 14 vjeç po udhëtonin me një biçikletë në momentin që janë përplasur nga një makinë.
Aksidenti ishte fatal për fatin e 17 vjeçarit i cili nuk ka arritur që të mbijetojë plagëve të marra nga përplasja ndërsa vijon të jetë i shtruar në spital vëllai i tij, i cili është jashtë rrezikut për jetën por me fraktura të rënda.
Ndërkohë përmes një video të publikuar në mediat greke shihet momenti kur makina ka bërë një kthim të papritur në mes të rrugës duke u prerë rrugën të miturve që po udhëtonin me biçikletë që nuk patën mundësi që të shmangnin përplasjen.