Formati “Big Brother” po zgjerohet në një treg të ri mediatik, duke u transmetuar për herë të parë në territorin e Republikës të Kosovës, pas marrëveshjes me Banijay Rights. Tashmë është zyrtare se marrëveshja mes Banijay, Artmotion dhe KlanKosova do të sjellë edicionin Big Brother VIP për herë të parë në Kosovë, në sezonin e ardhshëm televiziv, ka njoftuar moderatori i njohur Alaudin Hamiti.
Puna ka nisur si në aspektin teknik ashtu edhe në atë përmbajtësor dhe premiera e parë e spektaklit do të jetë në vjeshtë.
Kështu Big Brother Vip do të startojë më herët në Kosovë sesa në Shqipëri, teksa ky i fundit nis në fundin e dhjetorit të këtij viti dhe ai i Kosovës me shumë mundësi nga fund shtatori.
Deri më sot, formati “Big Brother” është realizuar në më shumë se 60 versione, me mbi 34,000 episode, 8,500 banorë të përfshirë në format, 6,400 eliminime duke numëruar 90 milionë ndjekës në rrjete sociale.